18Feb-2025
Jadidshilik háreketiniń jetekshilerinen biri bolǵan Mahmudxoja Behbudiydıń 150 jıllıǵı keń túrde belgilendi.
#Mahmudxoja_Behbudiy_150_jasta
✅2024-jıl 27 dekabr kúnı Prezidentimiz 2025-jılı Túrkstan jadidshilik háreketiniń tiykarın salıwshısı, belgili jazıwshı hám jámietlik ǵayratker Mahmudxoja Behbudiy tuwılǵan kúniniń 150 jıllıǵın keńnen belgilew haqqındaǵı PQ-462-sanlı qararına tiykar.
📚 Qaraózek rayonı qániygelestirilgen mektep oqıwshıları hám Málimleme-kitapxana orayı qániygeleri menen birgelikte jadidshilik háreketiniń jetekshilerinen biri bolǵan Mahmudxoja Behbudiydıń 150 jıllıǵı keń túrde belgilendi.
⚡️Onda sózge shıqqanlar Ózbekstan tariyxında oǵada quramalı hám sınaqlı dáwir bolgan XX ásir basında júzege kelgen Mahmudxoja Behbudiy Túrkstan jadidshilik háreketiniń tiykarın salıwshısı esaplanadı. Ol milliy azatlıq háreketiniń ullı ǵayratkeri sıpatında ilim, bilimlendiriw hám tárbiya, ádebiyat hám kórkem óner, baspasóz tarawların rawajlandırıw, dúnyadaǵı aldınǵı rawajlanıw jetiskenliklerin ózlestiriw arqalı xalıqtıń sanasın arttırıw hám azatlıqqa erisiw jolında óz ómirin baǵıshlaǵan. Maxmudxoja Behbudiy patsha Rossiyası hám jergilikli fanatik kúshlerdiń misli kórilmegen qarsılıǵına qaramastan, mámlekette birinshiler qatarında dáslepki zamanagóy mektepler shólkemlestiriw, olar ushın zárúr sabaqlıqlar jaratıw, baspa hám teatrlar qurıw jumıslarına basshılıq etti. Sheber publicist sıpatında óz dáwiriniń áhmietli mashqalalarına baǵıshlanǵan bir qatar salmaqlı shıǵarmalar hám eki júzden aslam maqalalar jarattı. Sonıń menen birge, “Samarqand” gazetası hám “Oyina” jurnalına tiykar saldı. 1914-jılı “Turon” teatrında saxnalastırılǵan “Padarkush” pesası arqalı aymaqta teatr kórkem óneriniń tırnaq tasın qoyıp keleshek áwladqa úlken miyras qaldırǵanlıǵın aytıp ótti.
➡️Bizdi social tarmaqlarda baqlap barıń👇
🌐Veb-sayt (https://qaraozekrmko.uz/) | 🌐 Telegram (https://t.me/Qaraozekmko) | 🌐 Facebook (https://www.facebook.com/profile.php?id=100088414212503) | 🌐 Instagramm (https://www.instagram.com/qoraozaktakm/)
