19May-2026
“Moviy jamodan tashrifi” joybarı sheńberinde kitapxana qánigeleri tárepinen kóshpeli kitapxana shólkemlestirildi
#Kóshpeli_kitapxana
Ózbekstan Respublikası Prezidentiniń 2023-jıl 21-dekabrdegi “Shańaraqlardı bekkemlew hám hayal-qızlardıń belsendiligin arttırıw boyınsha qosımsha ilajlar haqqında”ǵı PP-401-sanlı Qararı 3-qosımsha menen tastıyıqlanǵan Jol kartasınıń 36-bántinde Hayal-qızlar arasında kitapqumarlıqtı hám kitapqumarlıq mádeniyatın úgit-násiyatlaw maqsetinde “Moviy jamodan tashrifi” joybarı sheńberinde kitapxana qánigeleri tárepinen kóshpeli kitapxana shólkemlestirildi
Jaslar, orta áwlad hám nuranıylar ushırasıwı bolıp ótti
⚡️Xalqımız ázelden ata-babalarımızdıń ómir jolları, ótken kúnlerden shıǵarǵan juwmaqları, úgitlerin qádirleydi hám atalardıń násiyatlarına qulaq túredi.
Usı tiykarda Qaraózek rayonında “Nuranıy” qorı baslaması menen «Úsh áwlad» ushırasıwı shólkemlestirildi.
Ushırasıwǵa máhállede abırayǵa iye nuranıy atalar, analar dóretiwshi zıyalılar hám jámietlik shólkemlerdiń wákilleri, jergilikli Keńes deputatları, jámiyetshilik arasında óziniń belsendiligi menen húrmetke erisip kiyatırǵan orta áwlad wákilleri, jaslar, mirát etildi.
Ushırasıwda sózge shıqqanlar, ózleriniń miynet jolı hám iskerligi menen qatar keshegi hám búgingi kúnimiz, tarawlarda erisilgen jańa imkaniyatlardıń xalqımız turmısındaǵı áhmiyeti, jaslar tárbiyasında nuranıylardıń roli, sonday-aq, ruwxıy-aǵartıwshılıq, kitap oqıw hám kitapqumarlıq mádeniyatın jáne de arttırıw haqqında sóz boldı.
