12Mar-2025
2025-jıl 7-mart kúni náwbettegi Kásiplik awqam esabat-saylawı ótkerildı.
Málimleme-kitapxana orayı
Ózbekstan kásiplik awqamlari Federatsiyasina aǵza shólkemlerde sońgı esabat-saylawı 2020 -jılda ótkerilgen edi. Federatsiya ustavında, sonday-aq taraw kásiplik awqamları ustavlarında barlıq kásiplik awqamları shólkemleriniń kepillik múddetleri 5 jıl etip belgilengen. Qaraózek rayonı málimleme-kitapxana orayında 2025-jıl 7-mart kúni náwbettegi esabat-saylawı ótkerildı. Miynet jámááti konferensiyasında ıs beriwshi hám kásiplik awqamı baslanǵısh shólkemi baslıǵınıń 2023 jılda dúzilgen jámáátlik shártnamasın orınlanıwı tuwralı esabatı tıńlandı. Kásiplik awqam baslanǵısh shólkemniń social-miynet máseleleri boyınsha komissiyanıń aktı oqıp esittirildi. jıynalıs qatnasıwshılar jıynalıs dawamında óz usınıs hám pikirlerin bildirip ótti. Kásiplik awqamınıń esabat dáwirindegi iskerligin bir dawıstan qanaatlanǵan dep bahaladı hám baqlaw komissiyası aktı tastıyıqlandi. Jıynalısqa Qaraqalpaqstan Respublikası Agrosanaat Kompleksi xızmetkerleri kásiplik awqam rayonlıq keńesi baslıǵı G.Ernazarova qatnastı.
