30Jun-2025
«Kitapqumarlıq shańaraqtan baslanadı, «Kitapqumar ana, kitapqumar bala» ideyası tiykarında Qaraózek rayonı Málimleme kitapxana orayında ushırasıw shólkemlestirildi.
📌 Ózbekstan Respublikası Prezidentiniń 2023-jıl 21-dekabrdegi “Shańaraqlardı bekkemlew hám hayal-qızlardıń belsendiligin asırıw boyınsha is-ilajlar haqqında”ǵı PQ-401-sanlı qararınıń orınlanıwın támiyinlew maqsetinde hár aydıń 17-sánesi «Kitapqumar analar» kúni dep belgilenip kelinbekte. Shańaraqlarda kitapqumarlıq mádeniyatın rawajlındırıw, maqsetinde «Kitapqumarlıq shańaraqtan baslanadı, «Kitapqumar ana, kitapqumar bala» ideyası tiykarında Qaraózek rayonı Málimleme kitapxana orayında ushırasıw shólkemlestirildi.
🖌Ushırasıwǵa nuraniy kitapqumar anamız Nurekeeva Sarbinaz apa òziniń eń sońǵı oqıǵan kitaplarınıń mazmunı, tárbiyalıq áhmiyeti, insanıylıq pazıyletleri haqqında keń túsinik berip ótti.
📚Ushırasıwda Kitap ata-anamız siyaqlı bizlerdi tárbiyalaydi, turmıstı úyretedi. Neshe ásirler aldın o`tken ata-babalardıń turmısı hám olardaǵi úrip-ádet dástúrler, kóz-qaraslar bizge shekem kitap arqalı jetip kelgen. Buni jaslarımız ádebiy kitaplardı oqıǵanda insannıń, bilim sheńberi, intelektuallıǵı asadı, aqıl oyı hám de ishki ruwxıy dúnyası bayıp baradı. Bunda insannıń barlıq biliw processleri rawajlanadı, dıqqatı jámlenedi hám de este saqlaw qábileti rawajlanadı, nátiyjede aqlıy tárbiya júzege keledi. Sonı anıq aytıw kerek, zamanagóy insan keleshektiń adamları kitapsız jasawı mumkin emes. Kitaptı oqıw-bul insanniń turmıstaǵı ósiw ilgerilew rawajlanıw, kamal tabıw ózin-ózi tárbiyalaw ǵárezsiz tálim alıwdan ibarat. Bul bolsa eń aldı menen shańaraqta payda boladı. Ata-ana, perzentine eń birinshi qiziqli ertekler oqıp bergen kunnen baslanadıdep aytıp ótti.
