31Jul-2025
30-iyul “Xalıqlar doslıǵı kúni” múnásibeti menen Qaraózek rayonı Mádeniyat orayında “Jaslarǵa milliy úrp-ádet hám qádiriyatlarımızdı sińdiriw” atamasında ruwxıy-aǵartıwshılıq ilajları bolıp ótti.
#Xalıqlar_doslıǵı_kúni
Dúnyada Xalıqaralıq doslıq kúni dep qabıl etilgen 30-iyul sánesi elimizde Xalıqlar doslıǵı kúni dep járiyalanǵan bolıp, ózine tán bayram sıpatında keńnen belgilew dástúrge aylanǵan.
2025-jıl 28-iyul kúni Alisher Nawayı atındaǵı Ózbekstan Milliy kitapxanasınıń 2025-jıl 10-fevral kúngi 15-sanlı buyrıǵın orınlaw maqsetinde 30-iyul “Xalıqlar doslıǵı kúni” múnásibeti menen Qaraózek rayonı Mádeniyat orayında “Jaslarǵa milliy úrp-ádet hám qádiriyatlarımızdı sińdiriw” atamasında ruwxıy-aǵartıwshılıq ilajları bolıp ótti.
Ilájda shıǵıp sóylewshiler, jámiyette óz-ara húrmet hám miyrim-shápáát sezimlerin kúsheytiw, milletlerara tatıwlıq hám diniy keńpeyillikti támiyinlew, jas áwladtı Ana-Watanǵa muhabbat hám sadıqlıq, milliy hám ulıwma insanıylıq qádiriyatlarǵa húrmet ruwxında tárbiyalaw haqqında keń túrde atap ótti.
Sonday-aq, usı kúni «Doslıq ırǵaqları» atamasındaǵı koncert baǵdarlamaları, ónermentshilik hám súwretlew óneri hám kitap kórgizbeleri shólkemlestirildi.
Iláj sońında rayonlıq mádeniyat bóliminiń tayarlaǵan koncert baǵdarlamaları bárshege zawıq baǵıshladı.
