Jaslarǵa milliy úrip-ádetlerimizdi, qádiriyatlarımızdı sińdiriw atamasında iláj bolıp ótti

Jaslarǵa milliy úrip-ádetlerimizdi, qádiriyatlarımızdı sińdiriw atamasında iláj bolıp ótti

#Jaslarǵa_milliy_úrip_ádetlerimizdi_qádiriyatlarımızdı_sińdiriw

💥30-Oktyabr kúni Alisher Nawayı atındaǵı Ózbekstan Milliy kitapxanasınıń 2025-jıl 10-fevral kúngı 15-sanlı buyrıǵın orınlaw maqsetinde Qaraózek rayonı 2-sanlı mektepte “Jaslarǵa milliy úrip-ádetlerimizdi, qádiriyatlarımızdı sińdiriw” atamasında iláj bolıp ótti. Ilaj dawamında milliylik hám milliy úrp-ádetlerdi sáwlelendiriwshi kórinisler qoyıp berildi.
💥Bul ilajdı ótkeriwden maqset Milliy úrp-ádetler turmısımızdıń hár bir tarawına sińip ketken bolıp, bul úrp-ádetler bizdi qaysı xalıqtıń wákili ekenimizdi kórsetiwshi túsinik, yaǵnıy, biziń kim ekenimizdi dálillewshi dálil esaplanadı. Sebebi, ruwxiy bárkamal jaslardıń ózine tán bolgan milliy úrp-ádetler qayır-saqawat, miyrim-shápáát, miriwbet, andisha, ar-namis, sharm-hayal, iybelilik, sabırlılıq sıyaqlı ruwxiy pazıyletler, miymandoslıq, keńpeyillik, balajanlıq, aq kókireklik, miynetkeshlik sıyaqlı milliy qádiriyatlar ádettegi dástúrlerde qarar tabadı. Solay eken, qádiriyatlardıń barlıq túrleri insannıń, ásirese, jaslardıń abadan turmıs keshiriwi, erkin jasawı, ruwxıy-ádep-ikramlılıq jetilisiwi ushın xızmet etetuǵın qurallar bolıp esaplanadı.
💥Jaslar dúnya qarasında milliy-ruwxiy qádiriyatlarga súyeniw, oniń talqılawı hám jámiyetimizde ekonomikalıq-siyasiy reformalardı ámelge asırıwda tutqan orni búgingi áhmiyetli mashqalalar qatarına kiredi. Jaslardıń milliy-ruwxıy qádiriyatlarǵa bolǵan isenimi hám iymanı bekkem bolıwı Ózbekstan tańlaǵan ózine tán hám sáykes rawajlanıw jolı talaplarınan kelip shıǵadı hám jaslardıń aldına anıq wazıypalardı qoyadı.