17Nov-2026
Málimleme-kitapxana orayında «INFOLIB ÓZBEKISTAN – 2026» XV Milliy málimleme-kitapxana hápteliginiń ashılıw máresimi bolıp ótti.
QARAÓZEK RAYONÍ MÁLIMLEME-KITAPXANA ORAYÍNDA «INFOLIB ÓZBEKISTAN – 2026» XV MILLIY MÁLIMLEME-KITAPXANA HÁPTELIGINIŃ ASHÍLÍW MÁRESIMI BOLÍP ÓTTI
📔2026-jıl 16-noyabr kúni Qaraózek rayonı Málimleme-kitapxana orayında «INFOLIB ÓZBEKISTAN – 2026» XV Milliy málimleme-kitapxana hápteliginiń ashılıw máresimi bolıp ótti.
📘Usı jıl 16–20-noyabr kúnleri ótkerilip atırǵan háptelik málimleme-kitapxana tarawın rawajlandırıw, xalıq arasında kitap oqıw mádeniyatın keńnen qáliplestiriw, jas áwladtıń bilimge hám ádebiyatqa bolǵan qızıǵıwshılıǵın arttırıwǵa qaratılǵan áhmiyetli ilajlardan biri bolıp esaplanadı.
📗Ashılıw máresiminde hápteliktiń maqseti hám áhmiyeti, kitap oqıwdıń insan ruwxıy dúnyasın bayıtıwdaǵı ornı, jaslardıń intellektual potencialın rawajlandırıwda kitapxanalardıń áhmiyeti haqqında aytıp ótildi.
📕Háptelik sheńberinde oqıwshılarǵa hám kitap súyiwshilerge arnalǵan kitap kórgizbeleri, ushırasıwlar, dóńgelek stollar, kitap prezentaciyaları hám basqa da mádeniy-ruwxiy ilajlardı ótkeriw názerde tutılǵan.
📒«INFOLIB ÓZBEKISTAN – 2026» hápteligi kitapxanashılar arasında tájiriybe almasıw, zamanagóy málimleme texnologiyaların engiziw, kitapxana xızmetleriniń sapasın arttırıw hám kitap oqıw mádeniyatın rawajlandırıwda úlken áhmiyetke iye.
📙Usıǵan baylanıslı, rayonımız xalqın, ásirese, jas áwladtı háptelik ilajlarında belsene qatnasıwǵa, kitap oqıw arqalı bilim hám ruwxıy dúnyasına tereńirek qádem taslawǵa shaqıramız.
➡️ Bizdi sociallıq tarmaqlarda baqlap barıń 👇
🌐Veb-sayt | 🌐 Telegram| 🌐 Telegram | 🌐 Facebook | 🌐Instagramm|🌐Youtube
