17Nov-2026
Qaraózek rayonı Málimleme-kitapxana orayında «INFOLIB ÓZBEKISTON-2026» XV Milliy málimleme-kitapxana hápteligi sheńberinde kitapxanaǵa kelgen jańa ádebiyatlar kórgizbesi hám J. Jovlievtiń «Qorqma» shıǵarmasına sholıw usınıldı.
Qaraózek rayonı Málimleme-kitapxana orayında «INFOLIB ÓZBEKISTON-2026» XV Milliy málimleme-kitapxana hápteligi sheńberinde kitapxanaǵa kelgen jańa ádebiyatlar kórgizbesi hám J. Jovlievtiń «Qorqma» shıǵarmasına sholıw usınıldı.
Ilajdıń maqseti – kitapxana fondına kelip túsken jańa ádebiyatlardı keńnen tanıstırıw, oqıwshılardıń kitap oqıwǵa bolǵan qızıǵıwshılıǵın arttırıw, sonıń menen birge kórkem ádebiyattıń insan ruwxıyatındaǵı ornın keńnen nasiyatlawdan ibarat.
Kórgizbe dawamında qatnasıwshılarǵa kitapxanaǵa jańadan kelgen kitaplar, olardıń mazmunı hám ádebiy mánisi haqqında maǵlıwmatlar berildi.
Sonday-aq, J. Jovlievtiń «Qorqma» shıǵarması boyınsha ádebiy sholıw ótkerildi. Sholıw dawamında shıǵarmanıń idealıq mazmunı, kóterilgen máseleleri hám jas áwlad ushın tárbiyalıq áhmiyeti haqqında pikir almasıldı.
Ilaj qatnasıwshılarda kitap oqıw mádeniyatın rawajlandırıw, jańa ádebiyatlarǵa bolǵan qızıǵıwshılıqtı arttırıw hám kitapxana xızmetinen nátiyjeli paydalanıwǵa úles qostı.
