17Nov-2026
Qaraózek rayonı Málimleme-kitapxana orayında «INFOLIB ÓZBEKISTON-2026» XV Milliy málimleme-kitapxana hápteligi sheńberinde «Kitapxana – bilim hám ruwxıyat mákani: kitapxanaǵa sayaxat» atamasında Qaraózek rayonı «Sport mektebi» xızmetkerleri ushın kitapxana boylap sayaxat shólkemlestirildi.
Qaraózek rayonı Málimleme-kitapxana orayında «INFOLIB ÓZBEKISTON-2026» XV Milliy málimleme-kitapxana hápteligi sheńberinde «Kitapxana – bilim hám ruwxıyat mákani: kitapxanaǵa sayaxat» atamasında Qaraózek rayonı «Sport mektebi» xızmetkerleri ushın kitapxana boylap sayaxat shólkemlestirildi.
Sayaxattıń tiykarǵı maqseti – qatnasıwshılardı kitapxana xızmeti, kitap fondı, jańa kelgen ádebiyatlar, elektron málimleme resursları hám oqıwshılarǵa jaratılǵan qolaylıqlar menen tanıstırıw, sonday-aq, kitap oqıw mádeniyatın rawajlandırıw.
Sayaxat dawamında kitapxana xızmetkerleri qatnasıwshılarǵa kitapxananıń bólimleri, kitap fondındaǵı ádebiyatlar, zamanagóy málimleme texnologiyaları hám kórsetiletuǵın xızmetler haqqında keń túrde maǵlıwmat berdi. Qatnasıwshılar kitapxana múmkinshilikleri menen jaqınnan tanısıp, ózlerin qızıqtırǵan sorawlarına juwaplar aldı.
Bul sayaxat qatnasıwshılardıń bilim hám maǵlıwmat alıwǵa bolǵan qızıǵıwshılıǵın arttırıw, kitapxana menen jámiyetshilik arasındaǵı baylanıslardı bekkemlew hám ruwxıy-aǵartıwshılıq jumısların rawajlandırıwǵa xızmet etti.
