19Jan-2026
Shaqırıwǵa shekem baslanǵısh tayarlıq basshıları menen “ZAKAWAT” intellektuallıq oyını shólkemlestirildi.
#ZAKAWAT
14-yanvar «Watan qorǵawshıları kúni»
💢1993-jılı 29-dekabr kúni Ózbekstan Respublikası Joqarǵı Keńesiniń qararı menen “14-yanvar – Watan qorǵawshıları kúni” dep belgilendi. Watandı qorǵaw, onı kózdiń qarashıǵınday qásterlep saqlaw eldiń hár bir perzentiniń wazıypası. Watan qorǵawshıları kúnin tek ǵana áskeriy xızmetkerler emes, al áyne waqıtta armiya qatarlarında óz minnetin atqarıp qaytqan watanlaslarımız hám erteń xızmetke baratuǵın mıń-mıńlaǵan náwqıran jigitlerdiń bayramı, dep qabıl etilgen. Usı bayram múnásibeti menen hár jılı Ózbekstan Respublikası qurallı kúshleriniń dúzilgeniniń 34 jıllıǵı hám 14-yanvar “Watan qorǵawshılar” kúni músásebeti menen Málimleme kitapxana orayında Qaraózek rayonı Shaqırıwǵa shekem baslanǵısh tayarlıq basshıları menen “ZAKAWAT” intellektuallıq oyını shólkemlestirildi.
🔹 Ilajda Shaqırıwǵa shekem baslanǵısh tayarlıq basshılarınan ibarat komandalar qatnasıp, berilgen sorawlarǵa ózleriniń epshillikleri hám ziyreklilikleri menen juwaplar berdi.
🔹 Oyın juwmaǵında ózleriniń bilimliligi menen jeńimpazlıqtı qolǵa kiritken toparlarǵa shólkemlestiriwshiler tárepinen diplomlar tapsırıldı.
