21Oct-2026
«Kitapqumar-kitapxanashı» tańlawınıń rayonlıq basqıshı bolıp ótti.
📚 «KITAPQUMAR-KITAPXANASHI» TAŃLAWÍNÍŃ QARAÓZEK RAYONLÍQ BASQÍSHÍ BOLÍP ÓTTI
Ózbekstan Respublikası Prezidentiniń 2017-jıl 13-sentyabrdegi «Kitap ónimlerin baspadan shıǵarıw hám tarqatıw sistemasın rawajlandırıw, kitap oqıw hám kitapqumarlıq mádeniyatın arttırıw hám úgit-násiyatlaw boyınsha kompleks is-ilajlar baǵdarlaması haqqında»ǵı PQ-3271-sanlı qararına muwapıq, ulıwma bilim beriw mekteplerinde jumıs alıp baratırǵan kitapxana baslıqlarınıń kásiplik sheberligin rawajlandırıw, kitap oqıw mádeniyatın arttırıw, óz ara tájiriybe almasıw hám dóretiwshilik belsendiligin jetilistiriw maqsetinde «Kitapqumar-kitapxanashı» tańlawınıń rayonlıq basqıshı bolıp ótti.
Ilajda mektep kitapxanashıları belgilengen shártler tiykarında óz bilimlerin, kásiplik sheberligin, kitapxana jumısın shólkemlestiriw boyınsha tájiriybesin hám dóretiwshilik qábiletlerin sınap kórdi.
Tańlaw juwmaǵında 2-sanlı mektep kitapxanashısı D.Pirniyazova III orın, 26-sanlı mektep kitapxanashısı J.Musaeva II orın hám 22-sanlı mektep kitapxanashısı U.Xamdullaeva I orın jeńimpazlıǵın qolǵa kiritti.
