История библиотеки
Qaraózek rayonı Málimleme-kitapxana orayı Ózbekstan Respublikası Prezidenti Sh.M.Mirziyoevtıń 2019-jıl 7-iyunda
ǵı «Ózbekstan Respublikası xalqına málimleme-kitapxana xızmet kórsetiwdi jánede támiyinlew xaqqında» ǵı 4354-sanlı qararı tiykarında 2019-jıl noyabr ayınan baslap ashıldı.Málimleme-kitapxana orayı házirgi waqıtta Mádeniyat orayında jaylasqan bolıp, mektep oqıwshılarına hám jergilikli xalıqqa xızmet kórsetip kelmekte.Qaraózek rayonı málimleme -kitapxana orayında 14, 5 shtat birliginde 15 xızmetker isleydi. Málimleme-kitapxana orayında 4 bólim bolıp,
1. Maǵlıumat-bibliografiya xızmeti
2. Málimleme-kommunikaciya hám sanlastırıw xızmeti
3. Kitap fondın jámlew, saqlaw hám qayta islew xızmeti
4. Abonament hám kitap paydalanıwshılarǵa xızmet kórsetiw xızmeti
Qániygeli kitapxanashı 1 joqarı mag’lıwmatlı, 7 orta arnawlı qániygeli kitapxanashı hám 4 joqarı maǵlıwmatlı 3 orta maǵlıwmatlı qánigeleri jumıs alıp barmaqta.
1.Maǵlıumat bibliografiya xızmeti: bul bólimniń tiykarg’ı uazıypası bibliografiyalıq qollanbalar hámde ádebiyatlardıń usınıw dizimin tayarlaydı.Oray jumısları xaqqında bukletler tayarlap, olardı jámiyetlik shólkemlerge, licey, kolledj hám mekteplerge tarqatıp reklama jumısların alıp baradı.
2. Fondlardı toplaw, saqlaw hám olardı qayta islew beriw xızmeti: Fondqa kelip túsken kitaplardı qabıllap, xujjet penen salıstırıp kórip, kitapxananıń esap-sanaq xújjetlerine jazıp baradı.Kitaplarǵa avtorlıq tańba shipr, inventar nomer, shtempel, kitapqa texnikalıq jaqtan qayta islew jumısların alıp baradı.Taza kegen kitaplarga kartochka jazıw ham olardı alfavit , sistemalı katologlarǵa jayǵastırıp baradı.Kitaplardıń kanday jerlerde, qaytıp saqlanıwına úlken itibar beredi.
3. Abonomentler hám paydalanıwshılarǵa xızmet kórsetiw xızmeti: Kitap paydalanıwshılar arasında massalıq ilajlar shólkemlestiredi. Jańa kelip túsken ádebiyatlardı kitap oqıwshılarǵa kóriw hám tanıstırıw ushın kitap kórgizbeler, kitaplardan awızeki bibliografiyalıq sholıwlar ótkeredi. Mekemeler arasında shártnamalar dúzip, kóshpeli kitapxana jumısların alıp baradı.
4. Málimleme kommunikaciya texnologiyaları hám raqamlastırıw xızmeti: Bul bólim házirgi zamanagóy jańa texnologiyalar tiykarında kitap oqıwshı hám paydalanıwshılarǵa tez hám anıq maǵlıwmatlar jetkerip beredi.Xalıqqa zamanagóy internet xızmeti skaner, nusqa kóshiriw, audio disk maǵıwmatlarınan paydalanıw hám kompyuter sawatxanlıǵın asırıw, elektron ádebiyatlar boyınsha kitap paydalanıwshılardan kelip túsken sorawlardı orınlaw maqsetinde bar múmkinshiliklerden paydalanıp maǵlıwmatlar berip baradı. Kitap qorındaǵı bir dana kitap uyge berilmeytugın bolganı ushın, qolǵa berilmeytuƶın bahalı kitaplardı skanerlenip baradı.
Málimleme-kitapxana orayında xázirgi kúnde 5751 atamada 19391 dana kitap fondı bar bolıp, kitaplar UDK boyınsha tarawlarǵa ajıratılıp, kitap tekshelerine jayǵastırılǵan.Sonnan kórkem ádebiyatlar 3812 atamada 14004 dana kitap bolıp , kitap qorınıń 72 %, Siyasiy-jámiyetlik ádebiyatlar 444 atamada 1189 dana kitap bolıp, kitap qorınıń 6, 1%, Tábiyƶıy pánler hám anıq pánler 609 atamada 1530 dana kitap, kitap qorınıń 7, 8 %, Awıl-xojalıq hám den saӯlıq taraӯı boyınsha ádebiyatlar 276 atamada 679 dana kitap, kitap qorınıń 3, 5 %, kórkem óner hám sport salasında 155 atamada 364 dana kitap, kitap qorınıń 1, 8 %, Ádebiyat tanıw, til ilimi boyınsha ádebiyatlar 420 atamada 1584 dana kitap, kitap qorınıń 8, 1 %, Filosofiya 9 atama 9 dana kitap, kitap qorınıń 0, 04 %, , Tariyx , geografiya pánleri 14 atamada 20 dana kitap, kitap qorınıń 0, 10 % quraydı.
Waqıtlı baspalar ushın 2023 jıl jazılıwına 12 gazeta hám 5 jurnalǵa jazılıw jumısları alıp barıldı paydalanıӯshılar hám ishki xızmetkerlerge kerekli maǵlıumatlar alıӯı ushın xızmet kórsetpekte.Qaraózek rayonı málimleme-kitapxana orayı tárepinen telegramm https: //t.me/qaraozek_mko,https://t.me/+TWTsA_ZipVpIsDWb, facebook:https://www.facebook.com/profile.php?id=100088414212503 hám instagramm: https://www.instagram.com/qoraozaktakm/ internet kanallarınan turaqlı turde sapalı onlayn xızmetlerin kórsetip barmaqta. Facebook 75 jazılıӯ, instagram 148 jazılıӯ, tellegramm kanalımızda 318 kitappqumarǵa elektron kitaplardan sapalı paydalanıwına sharayatlar jaratılǵan. Sonıń menen birge mumkinshiligi sheklengen paydalanıwshılarǵa hár tárepleme qolaylıqlar jaratıldı hám olardıń talabı tiykarında 30 dan zıyat audio kitaplar usınıldı. Jıl dawamında telegramm kanal hám toparımızda 2381 kitap, 873 audio kitap, 12 video rolikler jaylastırılıp kelinbekte. Málimleme-kitapxana orayı xızmetkerleri hápte sayın “Zamanagóy klassik ádebiyatları” joybarı sheńberinde XBB ǵa qaraslı mektep hám balalar baqshalarına barıp jańadan kelip atırǵan ádebiyatlar menen tanısıtırp qızıǵarlı viktorina oynların ótkerip olardıń alǵısına miyasar bolıp kelmekte.Sonday-aq Aliysher Nawayı atındaǵı Ózbekstan Milliy kitapxanası tárepinen «Mehir kitapxanası» joybarı sheńberinde uy-sharayatında oqıtılıp atırǵan oqıwshılır hám ulken jastaǵı puqaralarǵa sapalı kitapxana xızmetin kórsetiw bolıp tabıladı. Hár jılı mámlektimiz boylap kitapqumarlıq hápteligin ótkeriӯ dásturge aylanbaqta. Elimizde «Kitapqumarlıq hápteligi» Qaraózek rayonında shólkemleskenlik penen ótkerildi. Bunda rayonımız jasları belsindilik penen qatnastı. 2022-jılı centyabr ayında Nókis qalasında bolıp ótken «Eń jaqsı kitapxanashı» Respublikalıq kórik tanlaӯda Qaraózek rayonı málimleme-kitapxana orayı Maǵlıwmat-bibliografiya xızmeti baslıǵı Qosimbetova Biybisanem 3 orındı alıwǵa miyasar boldı hám usı qánigemizge Málimleme-kommunikaciya hám texnologiyaları agentiligi tárepinen 1 jıl daӯamında 600 000 sum muǵdarında stependiya tóleniӯi támiyinlenbekte. 2022-jıl centyabr ayında Málimleme-kitapxana orayı Mádeniyat orayınıń jańa imaratına kóship ótti. Jańa inventarlar hám kompyuterlar menen támiyinlendi. Ruwxıylıq mákanı esaplanǵan rayonlıq málimleme-kitapxana orayı tárepinen kitapqumar milletke aylanıwımız ushın islenip atırǵan háreketler xalqımızdıń kitap oqıwın qollap-quwatlaw, rawajlandırıw, ásirese keleshegimiz iyeleri bolǵan jaslarımızdıń kitapqa bolǵan mehir-muhabbatın ele de kusheytiwge qaratılǵan jumıslardıń iske asırılıp atırǵanlıǵı ertengi kunge isenim sezimin oyatadı.